Hvað er Pólýhúðun / Dufthúðun?

Pólýhúðun á felgur er ferli sem myndar níðsterka og áferðarfallega húð

Hægt er að taka tærðar og flagnaðar felgur og gera þær eins og nýjar eða betri en nýjar þar sem Pólýhúðun er töluvert sterkari og auðveldari í meðförum/umhirðu en hefðbundin lökkun.

Pólýhúðunarferlið gengur þannig fyrir sig:

  1. Felgurnar eru sandblásnar (granítblásnar) mjög vandlega þar sem minnstu óhreindi eða óvandvirkni getur komið fram á seinni stigum vinnslunnar.
  2. Felgurnar eru settar í ofn og hitaðar í ca. 200° C þar til efnið er gegnheitt ásamt því að gengið er úr skugga um að allur raki sé farinn úr efninu.
  3. Epoxy grunni er sprautað á og hann innbakaður í felgurnar í ofninum.
  4. Litnum (polyester) er sprautað á felgurnar og aftur innbakað í ofninum.
  5. Glæru (Epoxy) sprautað yfir og bakað í síðasta skiptið.

Hvernig gengur þetta fyrir sig? Fyrst er mætt á Dekkjasöluna að Dalshrauni 16 þar sem farið er yfir ferlið (kostnaður, tími, litir og svo frv.). Ef samningar nást lánar Dekkjasalan þér annan gang undir bílinn meðan verið er að vinna felgurnar þínar, þannig að þú getur haldið áfram að nota bílinn á meðan verið er að vinna felgurnar.

Hvað kostar? Heildarverð á hefðbundnum felgum er oftast um kr. 74.000.- þá er verið að tala um “MEÐ ÖLLU” (Lánsfelgum og dekkjum, öllum dekkjaskiptum, nýjum ventlum, jafnvægisstillingum, undirsetningu og svo frv.)
Ef komið er með dekkjalausar felgur er verðið um kr. 54.000.-

Er einhver aukakostnaður? Hér eftir eru listuð upp nokkur atriði sem geta valdið aukakostnaði ásamt nokkrum þjónustu atriðum sem hægt er að fá aukalega.

  1. Skökk / Skakkar felgur: Allar felgur sem fara í Pólýhúðun eru yfirfarnar áður en lagt er af stað, ef til staðar er skekkja eða skemmd sem gæti haft áhrif á aksturseiginleika eða öryggi bjóðum við upp á að fara með felguna í viðgerð. Kostnaður er misjafn eftir því hversu mikil skemmd er en oftast á bilinu kr. 10-15 þús.
  2. Krómfelgur. Öll vinna á krómfelgum er tímafrekari ásamt töluvert meiri efnisnotkun. Hætta er á að lokaáferð sé grófari en á hefðbundnum álfelgum. Hér á staðnum höfum við “fyrrverandi krómfelgur” til að sýna útkomuna og fara yfir mismunandi möguleika og leiðir sem hægt er að fara við vinnslu á felgunum.
  3. Stórar – breiðar felgur. Öll afbrigði sem af augljósum ástæðum leiða til tíma og eða- efnisaukningar bera einhvern aukakostnað. Viðmið er ef felga er breiðari en 10″ eða stærri en 17″ fer hún að bera aukakostnað.
  4. Miðjulok. Oft eru miðjulok farin að láta á sjá, þau brotin eða hreinlega að þau vantar. Við aðstoðum við að ganga frá miðjunum á sómasamlegan hátt t.d. sprauta lokin, panta ný og svo frv.
  5. Felguboltar. Ný pólýhúðaðar felgur – gamlir ryðgaðir boltar….. við getum útvegað nýja bolta á felgurnar ef vilji er fyrir því.

Hver eru gæðin / endingin? Pólýhúðun er mjög sterk og getur enst í fleiri ár. Erfitt er að gefa upp nákvæman tíma. Efnasamsetning þ.e.a.s. “álblandan” í felgunum hefur áhrif á endingu. Eftir því sem felgur eru meira tærðar og flagnaðar er meiri hætta að það komi fram í styttri endingu. Efnin sem við notum eiga að vera UV þolin, þ.e.a.s. ekki á að eiga sér stað upplitun vegna sólarljóss. Öll ábyrgð er í samræmi við neytendalöggjöf.

Hvað tekur þetta langan tíma? 4-7 virkir dagar er viðmiðunartíminn. Þeim um meiri tími sem við höfum eru vinnubrögðin vandaðri……. meiri tími til rakalosunar og svo frv.

Er hægt að setja felgur upp í eins pólýhúðaðar felgur? Já, ef við eigum við eins felgur á lager setjum við þær felgur undir bílinn og tökum gömlu felgurnar í staðinn.

Ef einhverjar spurningar vakna getur þú haft samband í síma 587-3757, sent okkur póst

eða komið á Dalshraun 16 í Hafnarfirði og við förum yfir hvaða möguleikar eru í boði.